هل القضاء المصري فعلا شامخ؟كما يصفه الاعلام المصري الشامخ؟ ولا القضاء في مصر قضاء وقدر

قضاء مصر الشامخ؟!! حد عارف القضايا بتاخد كم سنة في مصر عشان تاخد حكم نهائي؟ وكام سنه عشان تنفذ الحكم؟ عارفين كام حكم يبتقبل النقد بتاعه لخطأ في تطبيق القانون؟ عارفين ان في عنبر في اي سجن اسمه عنبر القضاه الفاسدين بتوع الرشاوي؟ عرفين في كام قاضي في مصر بياخد رشوه او جاهل قانونا او يقبل الاملاءات السياسيه؟؟ طب عارفين القاضي ووكيل النيابة بيقبض كام؟هوا معاد فتح الجلسات لسة الساعة تسعة ولا بقي اتناشر ومحدش يعرف؟!! بعدين ايه الريحة الجميله والمباني النظيفة والموظفين المحترمين و اللبس الشيك والمحامين المحترفين والقاعات المنظمة وقلم الكتاب النظيف والمنظم ده؟ عارفين ان ايام المحاكم المختلطه يعني بتعاعت الاجانب اللي ماكنتش عجبانه كان المحامي لازم يحدد هو محتاج كام من الوقت لمرافعته مراعاه لوقت القضايا اللي بعده ليها مواعيد جلسة ووقت للمرافعة ؟ عارفين في كام ملف مرمي في الارض او اتحرق او اكله الفران؟ وكام محكمة اتحرقت؟ ؟طب عارفين ان اغلب الشركات بطلت تروح محاكم في اغلب الحالات وبقت تروح للتحكيم المحلي والدولي؟ عارفين اذا القاضي عنده ١٠٠ قضيه في اليوم كام وحده بتآجل وكام وحده بيتحكم فيها اذا اتحكم في اي وحده اصلا؟ هوا ليه قضاء مصر الشامخ ما بيحاكمش المسئولين غير بعد ما يتركو مناصبهم؟ هوا صدفه ان ايام مبارك كل المعارضه المحترمة والاخوان يخدوا احكام ومافيش ولا واحد في السلطة يتحاكم؟وتحظر جماعة الاخوان بحكم قضائي؟ وفي حكم مرسي ؟؟ المحكمة الدستورية سابت دستور مرسي ولم تعترض عليه ؟؟كل الفلول اخدوا احكام ؟ ولم يحظر الاخوان بل الرئيس جيه من الجماعة المحظورة؟ ومين القتل المسيحيين المصريين في ماسبيرو ؟ حتي الان لا نعلم ولم يحاسبو المجرمين ؟؟ولا يعترض القضاء الشامخ ولا يحاكم احد ويسمح لهم بالجمعية والحزب ؟وبعد مرسي كل الاخوان رجعوا تاني خدو احكام؟؟ والجيش والشرطة بيموتو فيهم وهما بيفجرو وبقتلوا بردة ولا ده بيتحاكم ولا ده بيتحاكم؟ هيا السلطة السياسيه هيا نفسها القضائية ولا المفروض الاستقلال؟دا غير الدستور ومجلس الشعب والشوري ومحاصره المحكمة الدستورية؟ وطبعا مش هتكلم عن النائب العام وحكايته ؟ هووا القضاء في مصر قضاء وقدر؟ ولا قضاء شامخ ؟ هل لسه هنئول قضاء شامخ ولا مش شامخ ولازم يعاد هيكلته وتطهيره؟ طبعا الكلام كله في صيغة اسئله عشان اسبلكو انتو الرد!!! ،عشان ميتهمنيش قضاء مصر الشامخ اني لا سمح الله بهين قضاء مصر الشامخ او ما شابه ذلك ،واه يا بلد اااااااااه ه ه ه ه ه ه ه ه ،طبعا عارفين مين اللي بيقول قضاء مصر الشامخ ؟ عارفين ان القاضي الشامخ اذا شاف واحد بيموت واحد في الشارع ولم يقدم دليل ادانه في المحكمة ما يقدرش القاضي الشامخ يسجن المجرم او يحكم عليه؟ اكيد الاعلام اللي هوا فعلا شامخ وبرده ايام مبارك كان بيقول الجماعة المحظورة وايام مرسي كله ناس بدقون وبعد السيسي طبعا بقي كله ابطال اكتوبر وجيش مصر الشامخ وشعب مصر العظيم٫؟ هوا ازاي سابو القنوات الاسلامية المتطرفة تحرض وتشتم المصريين شويه يقولو المسسيحيين والعلمانيين والكفرة ؟؟ ولازم نقتلهم ؟هوا مش قضاء مصر اللي ساب ده كلله ؟ هوا في ملك من غير عدل؟ العدل اساس الملك؟ هل في الامان في مصر من غير عدل؟ هل فيه تنميه اذا لم يثق المستثمرين المصريين والاجانب في عداله قضاء مصر الشامخ؟ اححححححييييييههههههه يا مصر علي اللي بيجرالك؟ وطبعا لا بدافع عن مبارك ولا مرسي واهله وعشيرته ولا عن الموجود دلوقتي؟ ما فيش شك ان المؤسسه عريقة وقديمة ولها تقاليدها وتاربخها وتاثيرها علي قضاء باقي الدول العربيه الشامخ ؟ بس هل يختلف عن اي مؤسسه اخري في مصر ولا برده عايز تطهير وهيكله زي الشرطه والجيش والاعلام وكافه المؤسسات الاخري ؟ طب ايه رايكو في فصل الدين عن الدوله و الحكومة عن القضاء عشان فعلا يبقي شامخ؟!؟ تعبنا من الشعارات والتوك شوه والكلام و التفويضات والتوقيعات والمظاهرات وقله الشغل والانتاج....
انا شخصيا ما عنديش اي معلومات واتحدي اي حد في البلد ديه غير المخابرات وامن الدوله يكون عنده اي معلومات او ارقام صحيحه ودقيقة عن اي حاجة في اي اتجاه٫ دحنا مش عارفين نحسب في كام مصري البلد الوحيدة في العالم اللي متعرفش اصلا تعدادها وحدش عارف الشعب كام واحد بالظبط اححححححيييييييييحححححححح ده وحنه في ٢٠١٣
ده كله بعد ثلاث ثورات محدش عارف هل هما فعلا ثورات ولا انقلابات ولا ايه بظبط ديما مصر ام الدنيا وولادة٫ كل يوم شيء جديد محديش في العالم شافه قبل كده
فعلا احسن وصف لينا احنا للي لغبطنا العالم وغيرنا المفاهيم كلها واحنا اللي ابتدينا التاريخ واظاهر بردة احنا اللي هننهيه